Fahamu Misingi na Kanuni za Ndoa

NDOA ni taasisi iliyokusudiwa na Mungu idumu milele, ni agano linalo muunganisha mwanaume na mwanamke katika umoja wao kuwa na NGUVU na UBORA zaidi katika kile walichoumbiwa na Mungu kuwa. 

Watu wengi sana leo hii walio na matatizo ya kiuchumi, magonjwa au watu wanaokufa mapema, chanzo chake ni MAGUMU yaliyomo ndani ya ndoa. 

Hata leo hii ukifuatilia watu wengi sana ambao Mungu amewaita kwenye utumishi wake, wamekwama, kisa kikubwa kilichowakwamisha ni matatizo yaliyomo kwenye ndoa zao. Hivyo baada ya kuyaona hayo yote nikapata hamu ya kuanza kujifunza kwa bidii kile nilichokipitia MIMI BINAFSI KWENYE NDOA YANGU na ambacho Mungu anataka nikitumie kuwafundisha watu wake ili kiwasaidie na kuwajengea uwezo wa kufahamu,kuelewa na kufurahia maisha yao ya ndoa.